Negina victoria encunter Trun

17-04-17

E gia eisi passau. Il derby tut special encunter CB Trun/Rabius ei historia.

Negina victoria encunter Trun

Apparats da camera, fotografias, affons che accumpognan ins sil plaz da ball, satellits, autos dalla televisiun e radund 500 aspectaturs. Tut quei ha menau tier in derby tut aparti (per di ei els plaids dil co-commentatur dil giug Arno Camenisch).

Il CB Trun/Rabius ha saviu ir entuorn meglier cun quella situaziun e ha gudignau fadigiau cun 2:0. E sche la prestaziun sil plaz, davart dall'usdt 1, ei spert d'emblidar, vegn il di sco sez a restar en memoria.

Tut las contribuziuns, filmins, anectodas, intervestas sco e l'entir giug ein d'anflar cheu -> www.rtr.ch

Sin nossa pagina, sut la rubrica da fotografias anfleis uss enqual impressiuns.

Ei resta d'engraziar als numerus aspectaturs che han anflau la via a Mutteins, a tuts che han segidau vid il kiosk/grill ed a noss sponsurs per il sustegn. En spezial alla banca Raiffeisein per il bal da giug ed al Fil Magic per la chista bier suenter il giug.