Cronica

Il giug da ballapei era aunc diltut nunenconuschents en surselva. 1926 tuorna Balzer Derungs da Genevra cun in bal ed in reglament da giug. Suenter empau teoria ha l'emprema lutga da ballapei liug ol plaun Danis. Entgins giuvens initiativs da nies vitg ein semess ensemen per fundar ina uniun cun activitads sportivas ed in bien spert da cuminonza. Ils 2-5-1942 ei il termin dalla radunonza da fundaziuns. Las empremas activitads ein giugs da bal sco encunter Trun, ch'anflan grond interess el vitg, silsuenter vegn baghegiau el Fop in plaz da bal. Ei vegn denton era organisau cuorsas da skis en differentas variaziuns.

1945 separtizipescha l'Uniun sportiva l'emprema gada al campiunadi e quei ella 4. ligia cun pulit success. Alla fin dils onns 50 ein las ORA vegni baghegiadas ed il Fop ha stuiu ceder. La suprastonza ei semessa silla tscherca, ed ha la finala anflau il plaz dalla Isletta. Quei plaz vegn aunc oz duvraus sco plaz da trenament.

L'Uniun sportiva Danis-Tavanasa gudogna enqual turnier ed raccolta in sfrac buccals, sco per exempel il turnier dalla fabrica da ponn ni il cup Cynar.

1965 suanda l'installaziun da reflecturs, che lubescha in trenament da stgir. 1966/67 emprema sesiun ella 3. ligia e 1971 relegaziun en 4. ligia. 1973 separticipescha ina equipa da juniors al campiunadi. L'USDT vegn 1975 campiun dalla svizra orientala. El medem onn contonscha l'USDT puspei la 3. ligia ed o Mutteins vegn baghegiau in niev plaz da bal. Il turnier da halla a Mustér sco era il turnier a Rhazén gudogna l' USDT pliras gadas. 1992 separticipeschan juniors A, B ed D al campiunadi. El decuors dils davos 2 decennis ei era l'equipa dils seniors vegnida pli activa. 2003/04 relegaziun dalla emprema squadra, suenter bunamein 30 onns, en 4. ligia.