TI EIS NOSSA PLI FERMA PETGA

Sco amitg, aspectatur, donatur e fan ei mintgin da vus impurtonts per noss’uniun. Ti eis numnadamein NOSSA PLI FERMA PETGA! Ti eis nies 12avel um sil plaz da ballapei.

Mintga club da ballapei drova ses fans e simpatisants. Senza quei sustegn sper lingia ei la motivaziun mo miez aschi gronda. E fans sper lingia drovan ils pli pigns giugadurs duront lur turniers, ils juniors mo era nos activs en 4. e 5. ligia duront ils giugs da ballapei.

Mo era suenter ils turniers e giugs eisi impurtont ch’ils aspectaturs restan in amen culs giugadurs ensemen per dar ina paterlada, per dar laud ni critica sur dil giug e lur prestaziun. Quellas sentupadas e discussiuns fan nus pli ferms.

Cun differentas acziuns saveis vus sustener nossas equipas da ballapei e gidar da finanziar l’infrastructura che duvrein per saver exequir nies pli preferiu sport e hobby. Cheutras schein gia oz a mintgin da vus in cordial engraziament pil sustegn mental e finanzial. Vossa investiziun va ad ina uniun tradiziunala dil vitg, ch’ei DAPLI CHE MO IN CLUB!

Cliccai per plascher sils links cheusut. Nus sperein che nus havein ina purschida per finadin da vus:

CARTA DA SESIUN 2020/2021

Culla carta da sesiun 2020/2021 saveis vus mirar gratuitamein tut ils giugs sil plaz da ballapei a Mutteins. La carta da sesiun cuosta da niev frs. 50.-. NIEV: Culla carta saveis mirar ils giugs da ballapei gratuitamein a Mutteins sco era a Trun. Sur quei link sas Ti dar si l’empustaziun. Cordial engraziament!

DONATUR

Vuls Ti daventar donatur e sustener l’uniun cun in’ulteriura donaziun, lu suonda a quei link. Cheu purschein las suandontas variantas:

          donaziun da frs. 50.- tochen frs. 200.-                           carta da sesiun inclus

          donaziun da frs. 201.- e dapli                                          carta da sesiun ed apéro inclus

Il pagament astgas bugen far directamein sin nies conto CH32 8080 8008 5517 0053 0 tier la Banca Raiffeisen Surselva. Cordial engraziament per mintga donaziun a nies club!

BAL DA GIUG

Nos sponsurs principals e partenaris han incumpriu en lu sponsoradi in bal da giug. Mintgin dad els astga lu eleger ora in giug preferiu, al qual siu bal da giug duei vegnir duvraus. Era nos fans ed amitgs dil club san sponsorar in bal da giug ed eleger in giug preferiu da nossas duas equipas activas. Cul formular sil link sas Ti annunziar a nus l'equipa ed il giug preferiu. Ti retscheivas da nus ina invitaziun persunala al giug e nus offerin ina bubronda ed ina ligiongia giu dil grill.

Il formular empleniu ora e suttascret astgas bugen surdar al kiosk a Mutteins ni tarmetter el a nus per mail sin marketing@usdt.ch. Cordial engraziament pil sustegn!

OCCURENZAS

Sper il menaschi sil plaz da ballapei sto l’uniun aunc organisar entginas occurenzas el vitg per recaltgar ulteriurs daners en cassa. Tut l’infrastructura dil club sto el finanziar sur daners da sponsoring, donaziuns ed ulteriuras occurenzas. Sur quei link arriveis directamein tier nossas occurenzas che han liug il proxim temps. Nos commembers, giugadurs e juniors selegran da sentupar cun vus ad ina da quellas occurenzas.

DAVENTAR COMMEMBER DALLA US DANIS-TAVANASA

E tgi che ha propi gust dad esser part da nossa famiglia da ballapei astga era daventar commember dall'uniun. Buca mo commembers activs ein beinvegni, mobein era tuttas ulteriuras persunas dil vitg ed ordeifer san daventar commember dall’uniun. Cul formular  sil link empleniu ora sas ti s’annunziar per ina commembranza el club tradiziunal da nies vitg. Nus selegrein sin Tia annunzia ed empermettein da prender si Tei sco in ver commember.

HOPP TAVANASA