Tgi daventa retg dil gol-hit 2020/2021

L'Uniun sportiva Danis-Tavanas lantschescha in ultimativ giug da tippar, il gol-hit. En quei giug vala ei da tippar endretg ils resultats dils giugs da ballapei en 4. ligia. Mintga fin d'jamna sas aschia recaltgar puncts ed alla fin dalla sesiun 2020/2021 gudignar bials premis!

 

REGLAS DA GIUG

Tut tgi che ha plascher da tippar sa far quei gratuitamein. Ti drovas semplamein in access persunal, che Ti sas drizzar en sut "Registraziun".

Tes tipps sas mintgamai dar giu entochen all'entschatta dalla partida, stos denton esser annunziaus. Definescha la runda da giug e clichescha tier mintga giug sin "TIPP" e tschaffa ils resultats tenor Tiu sentiment.

Puncts sas Ti recaltgar sco suonda:

1. tier in resultat final endretg cun il correct diember da gols retscheivas 5 puncts
2. tier in resultat final endretg senza il correct diember da gols retscheivas 3 puncts
3. ulteriurs 20 puncts sas recaltgar, sche Ti defineschas il campiun dalla 4. ligia. Quei tipp sas Ti tschaffar e midar entochen avon l'entschatta dalla runda da primavera

Ils resultats vegnan tschaffai central e mintgamai actualisai enteifer 48 uras suenter la finiziun dallas partidas.

Sco resultat final vala il resultat ufficial tenor las indicaziuns dalla federaziun OFV.

 

EXPERTS

Mintga jamna da giug tradescha in expert dil ballapei regiunal ses resultats dalla proxima runda. Tut tenor tgei expert pon quels tipps era esser in bien muossavi per recaltgar dapli puncts. Tgisà!



SEREGISTRETSCHA
TEI USS E GUDOGNA!

CHEU SUR NOSSA HOMEPAGE
NI DA NIEV ERA SUR NOSSA APP!